✍🏻كتبت : الاء احمد
أعلنت المطربة المعتزلة زيزي عادل ارتدائها الحجاب، وذلك بعد عام من إعلان اعتزالها الغناء والابتعاد عن الوسط الفني بشكل نهائي.
ونشرت زيزي عادل صورة لها بالحجاب عبر حسابها الشخصي بموقع تبادل الصور والفيديوهات إنستجرام، وعلقت قائلة: الحمد لله والشكر لله لجلال وجهك وعظيم سلطانك.. الحمد لله الذي هداني وأنعم علي بنعمة ارتداء الحجاب وبعد مرور سنة من اعتزالي وبعد زيارة بيت الله الحرام.. حبيت أشارككم فرحتي.
زيزي عادل: قرار اعتزالي من عند الله
وكانت زيزي عادل تحدثت عن قرار اعتزالها الغناء وابتعادها تمامًا عن الوسط الفني، وقالت في تصريحات تليفزيونية سابقة لها: قرار اعتزالي من عند الله، وحسيت كأنه بعتلي وقالي سيبي الفن وحاجة بتحصل بدون وصف وكأن ربنا بيقولي كفاية هزار تعالي بقى ونعمل للي جاي، ومش صح الست تتحجب عشان زوج لأنه هيكون عن عدم اقتناع.
كما كشفت زيزي عادل أسباب اعتزالها الفن، قائلة: زمان كان كل تفكيري هلبس إيه في حفلتي وهعمل شعري إزاي واكتشفت هل لما أموت هاخد معايا الأغاني والكومنتات؟ واكتشفت إني هاخد معايا أعمالي وبدأت أفكر إني مش مستعدة أقابل ربنا بالحاجات دي، وكنت عايزة أحس إني مستعدة أقابل ربنا خصوصا بعد وفاة شباب صغيرين بكثرة الفترة دي والموضوع دا عملي صدمة لأن مفيش حد صغير على الموت ودا خوفني وأخدت قرار الاعتزال وأتمنى أي حد يسمعني يفكر في كلامي.
