كتبت : كرستين سعد
يعنى تكون مسؤول عنها فى كل شئ يلزمها
تكون مسؤول عن فرحتها وابتسامتها وتهتم بها وقت زعلها ووقت حزنها وعن كل حياتها وعن تقلباتها المزاجية “الجنون و العفوية”
مسؤول عنها فى كل حالاتها: يعنى تراعى ربنا فيها وتحترمها وتقدرها وشكلها من شكلك وتقديرها من تقديرك
يعنى تحبها وتدلعها وتطبطب وتحضنها وتقولها كلام حلو
يعنى يا تكون عارف يعنى ايه زواج وحياه زوجية سعيدة يا متتزوجش
هى سابت وبعدت عن أهلها وجيرانها وعيلتها وأصحابها وحياتها اللى متعودة عليها من صغرها
ووافقت انها تسكن وتبعد وتروح معاك آخر الدنيا علشانك
مع ناس جداد وجيران جدد وعيلة جديدة وبلد جديدة بعيدة
ف ياريت تكون لها أهل وسند وظهر تتحامى فيه
واللى فوق دة كله ياريت تكون لها راجل مش مجرد ذكر
ليس كل ذكر يطلق عليه اسم رجل ، الرجولة صفات ومواقف وأفعال ، فى ذكور كتير لكن الرجال قليلون
