رؤيه للكاتب الصحفي: مجدي جاد
طالعين علينا الكلاب من كل الجحور وعاوزنا نعمل ثورة مثلا على الرئيس والحكومة عشان الاسعار غالية طيب هو مين اللى مغلى الاسعار ياترى مين اللى مخبى الدولار وبيضارب بيه ..مين اللى بيخبى الرز والزيت والسكر والعلف وبيضارب بيهم ..مين اللى بيسرق حق الناس وبيحتكر سلع .. مين اللى بينزل يفتش وياخد رشوة ويروح ..
تعالي اقولك
العيب لا عند الحكومه ولا عند الرئيس انت بالظبط بتعمل اللي هقوله ده. مثلا انت ماشي بالليل وطلع عليك بلطجي قلبك وروحت مركز الشرطه عملت بلاغ. لازم تكون متأكد ان المباحث ممكن تجيب الجاني وممكن متجبوش نهائي في الحاله دي بيبقي الظابط ابن كذا وكذا ومينفعش ظابط والمفروض يروح مزيكا الشرطه ولو مسكه انت تطبله و ترقيه اهوالضابط ده هو الرئيس والحكومه..
والبلطجي انا وانت وابن عمك وخالك اللي طلع بالليل وقلبك علي احد الطرقات في اطراف المدينه وهنا يقاس الضابط. فاشل او ناجح اذا وصله او موصلوش.. مين بيخزن الارز ويرفع سعره الحكومه او السيسي لا والله اخوك وابن عمك وجارك هما الحرميه الاصليين مش السيسي ولا حكومته مين بيسرق الماده الفعاله من دواء التأمين الصحي. الحكومه ولا السيسي. لاده ولاده الدكتور ابن عمك الحرامي اللي الدوله علمته ببلاش عشان يفتح بطن مريض غلبان ويسرق كليته. ايه السيسي قله اسرق قرنيه المريض ده مصطفي مدبولي اصدر قرار بسرقه اعضاء الفقراء.. ايه مالكم افهموا صح كفايه كده… ياتري السيسي عامل عصابه لخطف الاطفال وحرق دم الامهات واحنا منعرفش.. مين اللي فجر قضبان السكك الحديد. السيسي مين اللي بيسرق وزن رغيف العيش ويخليه 65جرام مصطفي مدبولي مين اللي بيسرق اغطيه الحديد الزهر بتاعه الصرف الصحي. السيسي مثلا. مين اللي بياخد لمبات الكهربا بتاعه اناره الشوارع ويبيعها مصطفي مدبولي مثلا. ايه مالكم. مين اللي بيسرق مهمات المستشفيات ويبعها وياخد العلاج الغالي بيتهم. السيسي. مين اللي بياخد المعونات اللي الحكومه بتوزعها ويعطيها لاقاربه حتي لو اغنيه.. السيسي بردو. طب مين اللي رفع طن الشاي اربعين الف جنيه. مصطفي مدبولي. طب مين اللي رفع سعر الزين بالشكل الجنوني ده. السيسي. طب مين اللي محتكر الدولار.. مصطفي مدبولي. الحقيقه لو قعدت اكتب وقت طويل واعدد في ما يفعله هذا الشعب في نفسه وبأيدي مصريه لن اقدر علي احصاء الافعال القذره اسأل الله ان يرفع الغمه عن الشعب العربي ويعود الضمير الي المصريين
