كتبت : هبه العربي
في حوار اذيع علي قناه النهار مع المذيعه ياسيمن الخطيب في برنامجها شاي بالياسمين كانت ضيفه الحلقه النجمه نجوي فؤاد وتحدثت عن مشوارها الفني، وعن اسباب اعتزالها الفن
قائله :في حوار دار بيني وبين الشيخ متولي الشعراوي كنا في الطائره عائدين من الغردقه وسالته هل الرقص حرام ام حلال،
قال لي لو حرام او حلال مكنش ربنا فتح لك السكه دي ومكنش نجحك فيها
هو اللي قسم لك كده الحساب بقي عنده
وتابعت قائله هو اللي قالي كده لا اقدار اقول حلال ولا اقدر اقول حرام لكن ربنا فتح لك الطريق دا عشان تاكلي منه عيش محرمش ومحللش ،
ولكن قالي في حساب عند ربنا بقي،
وتابعت قائله :انا اعتزلت الرقص عشان حاجه بسيطه جدا ،وانا واقفه علي المسرح بعرض مسرحيه “قمر ١٤”
كان بيقول ايه “الاساتوك دا”
ونا معرفش يعني ايه الاساتوك دا
وقفت الموسقيين وسالتهم ايه دا
قالو لي اغنيه شعبيه
قولت هقارن الاغنيه الشعبيه من موسيقار الاجيال بالاساتوك دا، رحت قافله الستاره بايدي وكانت الكترونيه وقعدت علي الارض وقلت خلاص،
وخليت كل الفرقه تلم الفساتين
وكل حاجه تخصني ومليت عربيتين صغيرين وروحت ولم اعود ابدا للرقص ابدا بعدها
