كتبت: ايمي المشد
هقول كلام غريب شويه بس ده اللي فهمته وعرفته وتعلمته من الدين الإسلامي بتاعنا ::
الولد والبنت بتوع الكوبري غلط؟ ايوه غلط .
بس ال مش واخدين بالنا منه انه ده بيحصل كل يوم باختلاف الاماكن والمستوي الاجتماعي وربنا بس وحده هوه اللي بيسرتها
ربنا ساترها معانا في شغل وعيشه وتعاملات وساترها علي عيالنا وعلينا وعلي كل الناس …..لكن انا ضد التصوير وضد ال حصل
بعيد عن اللي حاصل وبيحصل وهيحصل ربنا أمرنا بالستر واللي حصل ده فضيحه وممكن تحصل كارثه ونروح بيها في حته تانية خالص غير متوقعه ومش معروفه كان ممكن يتعنفوا كان ممكن يتواجهوا كان ممكن يهدد ده كان حل وممكن بعدها يخافوا يعملوها تاني لكن اطفال وعيال صغيره لسه انما فضيحه وشرطه وتشهير ودمار وعل العلن بالشكل ده انا ضده بالمرة الفقر عمال ينخرب الجدران وسفاله بنات وعري وكلام كله إيحاءات جنسيه عايزين اطفال تصلي علي السجادة مثلا بالطبع والعقل والمنطق لا
احنا عشنا جميع انواع الفساد بكافه اشكاله والوانه وكله مباح وعادي ليه عشان نفسه يكون غني وبس.
زمان كان اللبس ميكروچوب كان الطبيعي لكن الفساد اقل… الموضوع في العقول والافلام اللي لازم يكون فيها مشاهد سافله عشان تجيب ارباح و ترندات تافهة فيها اسقاط احنا وصلنا لعيون نعسانه والو ازيك ياحمد بالصوت الشتوي علي راي الشيخة ياسمين عايزين تشوفوا ايه بعدها طبيعي أفعال فاضحه من أطفال فوق كوبري وواحد يلحق يكسب اللقطة ويفضح بنت كان ممكن تكون غلطه وتتعالج وتكون نقطه تحول وتشكر ربنا انها اتسترت وعدت لكن ازاي فرصه مشاهدات وفلوس وشهره ده الاهم .ولسه طالما بقينا نروح المهرجانات بلبس النوم وسباق مين منفوخ اكتر وفلوس عمليات الكيرڤي وجمال الدميات خلاص كده ولما نقول علي الشاشة علاقه جوزك مع الستات مش خيانة يعني الحرام مباح يبقي اشوف معصيه اعلنها عادي لما اشوف واحده بتقلع قدام كاميرا وتعرض جسمها وتقول خسيت .ولا منتج ملابس بطريقه مغريه يبقي عادي تبدأ بكوبري وتخلص بطيران في دول تانيه ونركب فراري وكله قدام الفلوس راضخ ومذلول .
نسينا المبادئ نسينا الدين زمان كان في غلط متدارى وخوف وكسوف دلوقتي تدريجيا هيكون في العلن وتعرضه في ڤتارين لما نوصل لاطفال فوق كوبرى ونفضح ونصور يعني خلقنا اتنين جواهم كراهيه وفساد ومفيش اصلاح منهم خلاص لما نوصل أن زوجه تستنجد بالمحكمه تبادل زوجات من زوجها وصديقه يبقي انتظروووا القادم زواج تشابه الأجناس ونغلق الستار ….ولكي الله يامصر
لكي الله يامصر
