كتبت : هبة العربي
تحدث المخرج محمد سامي عن نجاح مسلسل جعفر العمدة للنجم محمد رمضان الذي عرض في رمضان 2023 قائلًا: الحمد لله احنا كسبنا الرهان مسلسل جعفر العمدة هو الأنجح والأشهر في الوطن العربي وكان الوجبة المحببة لجمهور الوطن العربي ودا بفضل ربنا”.
وأضاف سامي “كل الناس القائمة علي العمل تعبت واشتعلت وده اللي خلانا نعمل النتيجة دي وفكرة عمل جزء ثاني من جعفر العمدة احنا فكرنا في الفكرة ونناقش الموضوع وإن شاء الله نناقش الفكرة”.
ونظمت إحدى الشركات حفل تكريم لعدد من النجوم عن أعمالهم في شهر رمضان الماضي، بناء على تصويت من الجمهور.
وكرم الحفل كلا من: المخرج محمد سامي والفنانة دينا الشربيني ومصطفي حجاج وهاني محروس وطارق النهري وغيرهم.
وكان المخرج محمد سامي وزوجته مي عمر قد حلا ضيفين مؤخرا على الفنانة إسعاد يونس في برنامجها صاحبة السعادة على شاشة قناة DMC.
وقالت مي عمر خلال اللقاء: “محمد سامي صرح إني ما طبختش إلا 6 مرات في حياتي كلها ودا ظلم وافتراء وهو كان عايز يضحك وأنا بسأله مش في فترة كورونا شهور كتير اتحبسنا فيها في البيت مين كان بيطبخ؟” ليرد محمد سامي:”أنتِ اللي كنتِ بتطبخي في كورونا بس بشكل عام مش أنتِ اللي بتطبخي ودي حاجة مش مضايقاني والله لإن اللي بتطبخ ماجدة مش أنتِ”.
وعلقت إسعاد يونس: “احنا جايين نهدي النفوس”، لترد مي عمر: “أنا ساعات يعني بعرف أطبخ بعض الحاجات وأنا اتعودت أستطعم الأكل الحلو ولما جيت أعمل الطبيخ لقيت أكلي مش حلو خالص فلما بدوق ببقى مش مبسوطة”.
ولفت محمد سامي: “مي عمر بتطبخ بطريقة غريبة بتجيب كرسي بتاع بار وتحطه قدام البوتاجاز وتلاقيها قاعدة ماسكة الموبايل وبتقلب وكأنها قاعدة على المكتب وطريقة غريبة جدًّا وعمري ما شُفت في حياتي أمي وهي بتطبخ كدا ومربية عيال أنا خايف تحط أباجورة على البوتاجاز”.
وعقبت مي عمر: “كل واحد وله استايل بتاعه في الطبخ”، ليعلق محمد سامي:”الأكل ما بيطلعش طعمه حلو إلا لو كانت الست شقيانة في المطبخ” لترد الفنانة: “بس بعرف أعمل سي فود كويس”.
