✍🏻كتبت : الاء احمد
طرح المطرب هيثم شاكر اليوم أغنية جديدة له بعنوان «رنة خلخال» عبر قناته الرسمية على موقع الفيديوهات العالمي يوتيوب، وقد حققت الأغنية في أقل من ساعة على طرحها أكثر من ألف مشاهدة.
وجاءت كلمات أغنية رنة خلخال من كلمات إيهاب عبد العظيم، ألحان كريم محسن، وتوزيع ومكس وماستر إلهامي دهيمة وأحمد حسام.
أول خطوة في مشوار هيثم شاكر الفني
وسبق وأن تحدث المطرب هيثم شاكر عن تفاصيل وكواليس أول خطوة في مشواره الفني بمجال الغناء، والتي بدأت أيام دراسته الجامعية عن طريق أحد زملائه.
حيث قال هيثم شاكر في حواره مع الإعلامية منى الشاذلي: “لما دخلت الجامعة ابتدى كل اللي غاوي مزيكا يتلم على بعضه، يعني اللي بيغني اللي بيلعب جيتار اللي بيعزف كيبورد واتكونا شلة، لغاية ما في يوم جالي واحد صاحبي قالي أن فيه شركة إنتاج فتحت جمب بيته بيعملوا شريط كوكتيل وبيدوروا على أصوات جديدة.. هو في البداية كان واخد الموضوع هزار، يعني هو شاف حكيم طالع الشركة فسأل البواب قاله ايه دا هو حكيم ساكن هنا، فراح قاله لا دا فيه شركة إنتاج فوق بيعملوا أغاني ومزيكا”.
وتابع هيثم شاكر قائلًا: “فصاحبي طلع وقالي أنه لقى ناس محترمين جدًا وشركة إنتاج بجد وبيدوروا على أصوات جديدة فاخد رقم المنتج وجابهولي عشان أكلمه وأروح، واخدت الرقم وقعد معايا خمس شهور لأني كنت متردد لغاية ما في يوم كلمته وعرفته بنفسي وقولتله أنا سمعت أنكم بتدوروا على أصوات جديدة قالي اه مظبوط بس فوت شهر وأبقى كلمني تاني”.
