كتب: هبة العربي
الاسم : كريم عاطف كمال وعمره ٢٤ سنة، بيدرس بكليه الألسن وبدأ اللعبه وهو عنده ١٥ سنه بعد ما بطل كوره بسبب كدمه في الحوض ابعدته عن الملاعب بجانب جسمه النحيف اللي كان وزنه وقتها ٤٥ كيلو جرام
قررت ادخل مجال الجيم بعد ما حبيته ،وكملت فيه وكنت أصغر كابتن وانا في سن ال١٧ سنه وحتي الآن شغال كابتن وانا بتمرن
دخلت بطولات كثيره جدآ وحققت في اول بطوله كانت علي مستوي جيمات المنطقه بفيصل وحققت فيها المركز الثالث و دي كانت انطلاقتي
دخلت بطوله الجمهوريه وحققت فيها المركز الثاني بعدها دخلت بطولات جيمات تاني وبطوله جمهوريه وربنا كرمني وحققت المركز الأول
ومن وقتها وانا طموحي ارتفع وبقيت أحقق المركز الأول علي طول شاركت في بطوله دولاكس لاب وانا عندي ١٩ سنه وكسبت فيها والشركه بقت اسبونسر ليا ودا فرق معايا جدآ
بعدها شاركت في بطوله دولية في المنصوره اسمها “ماصل فاكتوري تشابيون” وحققت فيها اول كبار واول تحت سن ال٢٣ واول اوفر اوول علي البطوله كلها ، والحمدلله كرم ربنا كان واسع عليا البطوله دي حققت معي شهرة كبيره جدآ
بعدها دخلت بطوله “ماصل تيك” وحققت فيها المركز الأول وخدت منها كارت احتراف واسبونسر وبعدها دخلت بطوله احمد علي وطلعت توب ٦ ودا مش وحش في بطوله كبيره زي دي
بعدها دخلت بطوله اولمبيا ودي كانت اكبر بطوله في الشرق الأوسط وكسبت فيها مركز تاني
