البوست ده تلخيص للابراج😂…..

خبيره الابراج مني أحمد💘 

١-برج الجوزاء😡😅😈😲😂😂😂😂

هما حلويين جداً ، بس للأسف الحلو مبيكملش ، مجانين شوية ، لأ شوية اية دة انت تسيب المكان وتطلع تجري احسنلك ، مود متقلب جداً ، يحبك الصبح ويشتمك بليل عادي مفيش مشاكل 

٢- برج الحوت😢😢😂😂😂

برج طيب جداً لأ طيب اللي هو تعد تعيط جمبة كدة من الطيبة ، بيحب اي حد في اي حتة ممكن تلاقية حاضن اي اشارة مرور ، صاحب صاحبة ، جدع وممكن يرمي نفسة تحت اي عربية بكل رضا نفسي عشانك

٣-برج الأسد♔♕♔♔😘😂😂

برج الهيبة ، برج علي وضعة ، برج ايفيل ، كل الابراج العظيمة هو برج الاسد ، عينيف اوي “بصوت اللمبي” لحد اما يحبك ، لو حبك خلاص كدة انت بقيت من علية القوم عندة وممكن يقوم ينقطك بنص ثروتة في فرحك

٤-برج الميزان🤔🤓🤓😂😂

اسم علي مسمي ، برج عقلاني جداً وحكيم جداً مع كل الناس لكن مع نفسة كيس جوافة لأ بل يكاد يكون كيس جوافة من غير جوافة كمان ، عايز يعمل ٣٨ حاجة في نفس الوقت وعايز ينجح فيهم كلهم ، اجتماعي جداً لدرجة انة ممكن يبقي انتيم اي عسكري مرور في اشارة

٥-برج السرطان☺☺☺🤗😂😂😂

برج حساس جداً ، عاطفي وكيوت في نفسة ، مش عارف هو عايز اية ، هادي وعصبي في نفس الوقت ، بيتحول لعبلة كامل بصفة مستمرة من فترة لأخري بسبب او من غير وفي نفس ذات الوقت اطيب من اي دبدوب

٦-برج الثور👹😡😲😂😂😂

طيب جداً بس لو نطحك نطحة هيوديك السودان ، بيفكر كتير ومبيتكلمش كتير ، عاطفي لدرجة مُحزنة ، بيتنرفز علي اي حاجة مبيعرفش يعيش طبيعي الا لما ياكل ، يدور الزمن ويلف وترجع تلاقية علي حطة ايدك زي ما بيقولوا

٧-برج القوس😂😂😅😅😄

يتبع مبدأ “اخربها وسيبها علي الله” ، محب للبهجة والفرفشة ، بيضحك علي اي حاجة من اي حاجة ، حاصل علي جايزة الدولة التشجيعية في “النسيان” ، في الحب حبيب حبيب يعني مش هزار ، مستعجل اوي ، مستعجل خالص ، مستعجل جداً

٨-برج العقرب😯😯😘😂😂

متردد شوية ، لا شوية كتير، علية ايام ممكن ميبطلش رغي ، ايام تانية فاصل وبيتعامل بلغة الاشارة ، يقابل مشاكلة بأبتسامة عظيمة ولم يستطع علماء الفلك والفضاء تفسيرها حتي الأن 

٩-برج الجدي😡😈😉😂😂

صعب شوية ، مش تنك بس من بعيد هتشوفو هتحسة ابن رئيس جمهورية في نفسة ، بتلاقية دايماً مقريف الصبح ، متفائل اوي بس متشائم اوي ، مليان احساس لكن تتعامل معاة تحسة انة ابرد من كل مصانع التلاجات في الشرق الاوسط