كتبت : ايمي المشد
ضريبة الحياه احنا بندفعها لكل حاجه ، والمتعارف عليها للعمل أو سكن أو سياره فهي ضريبه مدفوعه واقعيه معروفه ضريبه الحياه ضريبه بيخلقها المجتمع حسب عاداته وتقاليده في ضريبه لكل حاجه وخصوصا علي النجاح رغم المفروض الفشل يكون له ضريبه كبيره لكن لا احنا بيصعب علينا الفاشل بيصعب علينا الحرامي المرتشي مش بنخلق له ضريبه ديما بنخلق ضريبه للنجاح وديما ضريبه النجاح لإسقاط العزيمه مشفتش عمرى ضريبه للصعود بالفشل هل هذا صحيح ؟؟؟ والغريب أن بتوع التنميه البشريه يقولك الضريبه بس بطريقتهم هما الطبيعي اننا نقع ونقوم انما مش الطبيعي اننا ندفع ضريبه نجاح بقا عندنا هوس بأن الفشل خليفه المصرين والناجح ده وراه لغز فين يبني اللغز ماهو واضح النجاح مثلا مشروع كبير هتلاقيه قرض ولا سالف ولا مش بتاعه اصلا عربيه من الفئات العاليه شوفت مختلس مرتشي تاجر اي تجاره مخله للشرف وضد القانون ظابط تبقي بلا ضمير طفل ناجح بيدفعلو فلوس ده غبي ست غير محجبه وناجحه تبقي تمارس الرذيلة رغم الرذيله بتمارس من غير حجاب وحجاب ومن المسلم ومن جميع الأديان بس هو احنا كده والخ الخ …من الضريبه وكله وضريبه الشهر عملتو ثوره علشان تغيرو الأفكار فاكره كويس انا بدايه الثوره كنا طلاب جامعه امريكيه وجامعات مصريه كليات قمه وناس زى الورد قالو بيمارسو الرذيلة برده علشان فيهم بنات مش ملتزمين واستمرت وقالو لا هما عملوا الثوره علشان يلغو الضرايب دي ضريبه كل واحد باصص لغيره مش لحاله انا شايفه أن ضريبه الحياه خلت الرذيله تمارس علنا خلت الاخلاق انعدمت خلت الضمير مات عارفين ليه علشان لو تدور علي صاحبها شاف نفسه مش عارف يرضي الناس وميدفعش الضريبه بطلوا تاخدو بالمظاهر بطلو نفاق بطلو تعينو نفسكم حكام لعل من حكمت عليه بالاعدام في أخلاقه ولا شكله يكون افضل منك عند ربنا خدته عقده الخواجه ومعرفتوش تاخده منه انت في حالك وانا في حالي رغم أن العرب لازم عادتهم تكون كده ..أتعلموا تفرحو للغير اتمنى ليك النجاح وخدوه قدوه بلاش تتمنون زوال النعمة الحسد زاد والضريبة النفسيه زادت يارب نفوق قبل ما نصحي علي كارثه تظهر لنا غضبه بص لنفسك في مرايا وقول خليني في حالي هو نجح وانا لسه واقف مكاني ركزو لحالكم هتنشغلو كفاكم تلصص كفاكم احكام وسط عشره ناجحين مليون ضاعو بسبب كلمه كده كده بيتكلمو علينا ابدأ بنفسك ومتحكمش ومش لازم ندفع ضريبه نفسيه وكفايه علينا ندفع الضرائب المفروضة في ظل الأعباء
