مقوله تنطبق على برجك

 بقلم : مني احمد 

الأسد بينطبق عليه مقولة ” واثق الخطوه يمشى ملكا” دليل على ثقته العالي بنفسه . 😀

.

السرطان ده بقى اللى بينطبق عليه ” الأهل زى الملح لا غنى عنهم” اهله بالنسباله شئ مقدس و خصوصا والدته. 😀

.

الثور صاحب صاحبه بينطبق عليه مقولة “ان كان صديقك فى أزمة امشى حافى و اخلع له الجزمة”. 😀

.

القوس “ان كنتم نسيتوا اللى جرى هاتوا الدفاتر تنقرى” مابينساش اللى يغلط فى حقه ابداا . 😀

.

الحوت دايما حاسس ان حظه وحش فى الدنيا بينطبق عليه مقوله ” ان عمل مهما عمل متعوس و خايب الامل” . 😀

.

الحمل اللى ثقته فى نفسه عاليه و مابيهموش كلام الناس بينطبق عليه مقوله “ايش يضر السحاب من نباح الكلاب”. 😀

.

العذراء بينطبق عليه مقولة “انصح الجاهل يعاديك” بيحاول يقدم النصيحه للناس و رغم كده الناس بتفهمه غلط و تبعد عنه !!. 😀

.

الدلو بينطبق عليه عبارة “ياما تحت السواهي دواهي” تستبسطهوش ابداً !. 😀

.

الجوزاء اللى مايحبش يسلف حاجته لحد و لايستلف حاجه من حد مهما كان بينطبق عليه مقولة ” حمارتك العرجة تغنيك عن سؤال اللئيم”. 😀

.

العقرب ده بينطبق عليه مثل ” اللى رشك بالمية رشه بالدم” مش هيسيب حقه و لو بعد سنين. 😀

.

الجدي بينطبق عليه مقولة “تعب ساعة و لا كل ساعة” يحب يخلص كل شغله و يقعد بعد كده مرتاح البال. 😀

.

الميزان ده اللى بينطبق عليه ” اللى ماتحتاجش انهارده لوشه بكره تحتاج لقفاه ” بيحب يعمل علاقات حلوه مع كل الناس.