حسن شاكوش: المذيع اللي عزمته وما جاش ولما الفرح بقى تريند عاوزني أطلع معاه في حلقة ..

عناية: حنان اسماعيل

وجه مؤدي أغاني المهرجانات حسن شاكوش، الشكر للنجوم الذين حضروا حفل زفافه، 

وهم تامر حسني، ومصطفى قمر، وإيهاب توفيق، وماجد المصري، ووفاء عامر، ورامي صبري، وهنادي مهنا، ورنا رئيس، وراندا البحيري، وأحمد شيبة، وزملائه حمو بيكا، وعمر كمال، ورضا البحراوي والاعلامي طارق علام..

ظهر شاكوش، في مقطع فيديو لايف عبر حساباته الرسمية على مواقع التواصل الاجتماعي، قال فيه: “بشكر كل نجم شرفني في فرحي وتامر حسني وجوده شرف ليا وعلى المستوى الشخصي إحنا أخوات وأنا من معجبينه ومن جمهوره”.

• زوجة حسن شاكوش: مفيش حد يقدر يضحك على ربنا.. وزوجها يعلق: مش بتسيب فرض

سهير جودة: حسن شاكوش بقى نجم بالصدفة.. وسجدة زوجته فيها مبالغة جدًا

ووجه شاكوش، رسالة لمن امتنع عن حضور حفل زفافه قائلًا: “أي حد ما جاش له عذره طالما عندك شغل مش هعلق لك حبل المشنقة إلا بقى لو حد فاضي وما جاش ده موضوع تاني إحنا في مركب واحدة.. واللي ما تحتاجش قفاه دلوقتي هتحتاج وشه بعدين”.

وأضاف: “اللي ما جاش حطيته في القايمة السودة وأنا ما كانش ناقص لي حد والغريب إن فيه مذيعين عزمتهم على الفرح وما جوش ولما الفرح بقى تريند عاوزني أطلع حلقة !!!

الجدير بالذكر أن مؤدي أغاني المهرجانات حسن شاكوش، قد احتفل مساء الجمعة الموافق 10 مارس الجاري، بعقد قرانه وزفافه على (ريم طارق)، وهي فتاة من خارج الوسط الفني، بحضور عدد من الأهل والأصدقاء.

وهو الحفل الذي أقيم في أحد الفنادق الكبرى بالقاهرة، وشهد حضور عدد كبير من نجوم الفن والمجتمع .